មន្ទីរសាធារណៈការនិងដឹកជញ្ជូនខេត្តមណ្ឌលគិរី បំពេញការងារយ៉ាងសកម្ម ក្នុងការសម្អាតផ្លូវ និងរៀបចំទេសភាពទទួលភ្ញៀវ.!

រាជធានីភ្នំពេញ ៖ អនុវត្តតាមបទបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការបញ្ជាផ្ទាល់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យនគរបាលព្រហ្មទណ្ឌកម្រិតស្រាល និងកម្រិតធ្ងន់ សហការជាមួយកម្លាំងជំនាញអធិការដ្ឋាននគរបាលខណ្ឌចំការមន និងកម្លាំងអធិការដ្ឋាននគរបាលខណ្ឌដូនពេញ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរងផែនការងារព្រហ្មទណ្ឌ បានស្រាវជ្រាវស៊ើបអង្កេតឈានទៅដល់បង្រ្កាបបានស្រ្តីសង្ស័យជនជាតិកុងហ្គោ០១នាក់ កាលពីវេលាម៉ោង១៦និង៣០នាទី ថ្ងៃទី៣០ ខែសីហា ឆ្នាំ២០២៥ នៅចំណុចហាងសាឡនយីហោZOLA ផ្ទះលេខ105H ផ្លូវលេខ200​ សង្កាត់បឹងរាំង​ ខណ្ឌដូនពេញ​ ដែលស្រ្តីសង្ស័យបានធ្វើសកម្មភាពយកកូនកាំបិតចាក់ និងអា.ករ សម្លាប់ស្ត្រីរងគ្រោះ០១នាក់ ជាជនជាតិអង់គ្លេសបណ្តាលឲ្យស្លាប់ កាលពីថ្ងៃទី២៩ ខែសីហា ឆ្នាំ២០២៥ វេលាម៉ោង២៣និង៤០នាទី នៅចំណុចសួនច្បារមុខសាលាក្រុងកោះពេជ្រ​ វិថីសួនច្បារ​ ក្រុម៧៨​ ភូមិ១៤​ សង្កាត់ទន្លេបាសាក់ ខណ្ឌចំការមន​ រាជធានីភ្នំពេញ ។

-ជនរងគ្រោះ(សព) ឈ្មោះ HOPKINS JESSICA CARIAD  ភេទស្រី អាយុ34ឆ្នាំ​ ជនជាតិអង់គ្លេស​ ។ 

ចំណែកស្រ្តីសង្ស័យឈ្មោះ KIDIKILA NGANDA GLODIE ភេទស្រី​ អាយុ33ឆ្នាំ​ ជនជាតិកុងហ្គោ។ អំពើឃាតកម្មនេះគឺមូលហេតុស្នេហាត្រីកោណ។

-បច្ចុប្បន្នកម្លាំងជំនាញបានបញ្ជូនជនសង្ស័យខាងលេីមក ស្នងការដ្ឋាននគរបាលរាជធានីភ្នំពេញ​ ដេីម្បីបន្តតាមនីតិវិធី​ ៕