ដំបូងទាហានថៃដើរល្បាតប្រទះឃើញបុរសជនជាតិចិនបីនាក់ដើរតាមផ្លូវធម្មជាតិ(ច្រករបៀង) ប្រមាណ500 ម៉ែត្រពីព្រំដែនថៃកម្ពុជា។ តាមការសួរបញ្ជាក់បឋមពីសមត្ថកិច្ចថៃបានបង្ហាញថា បុរសជាជនជាតិចិនទាំងបីនាក់នោះ បានធ្វើដំណើរពីប្រទេសកម្ពុជា ហើយមានបំណងចូលប្រទេសថៃ។
ក្រោយមក មន្ត្រីក៏បានរកឃើញពលករចំណាកស្រុកខ្មែរចំនួន ១៦នាក់ផ្សេងទៀត ដែលលាក់ខ្លួននៅក្នុងចម្ការអំពៅក្បែរនោះ។ ក្រុមពលករខ្មែរនេះបានបញ្ជាក់ថា ពួកគេមានបំណងធ្វើដំណើរទៅធ្វើការនៅខេត្តឈុនបុរី ដោយការត្រួកពិនិត្យឃើញមានលិខិតឆ្លងដែន។
សមត្ថកិច្ចថៃក៏បានរកឃើញជនជាតិថៃ៥នាក់បន្ថែមទៀត ដែលកំពុងដើរក្បែរកន្លែងកើតហេតុដែលមានបំណងធ្វើដំណើរមកប្រទេសកម្ពុជា ដើម្បីស្កែនមុខបើកគណនីធនាគារ ប៉ុន្តែមិនមានលិខិតឆ្លងដែន ឬឯកសារបញ្ជាក់អត្តសញ្ញាណត្រឹមត្រូវផ្សេងទៀតទេ។ ខណៈឃាត់ខ្លួនជនសង្ស័យទាំង២៤នាក់ខាងលើ ដោយមានជនជាតិចិនចំនួនបីនាក់ ជនជាតិថៃចំនួន៥នាក់និងខ្មែរចំនួន១៦នាក់ ហើយបានបញ្ជូនទៅនគរបាលស្រុកអារញ្ញ។
សូមបញ្ជាក់ថា ទោះបីជាមានការរឹតបណ្តឹងការឆ្លងដែនតាមបន្ទាត់ព្រំដែនកម្ពុជាថៃពីសមត្ថកិច្ចកម្ពុជានិងថៃយ៉ាងណាក៏ដោយ ក៏បទល្មើសជួញដូរទំនិញនិងការលួចឆ្លងដែនរបស់ជនបរទេសនិងជនជាតិថៃខ្មែរនៅតែកើតមានជាបន្តបន្ទាប់ ជាពិសេសនៅតាមព្រំដែនស្រុកម៉ាឡៃ៕
Post a Comment