ការផ្តល់ប័ណ្ណសរសើរលើកទឹកចិត្តនេះ ត្រូវបានរៀបចំឡើងកាលពីល្ងាចថ្ងៃទី៤ ខែកញ្ញា នៅទីស្តីការក្រសួងវប្បធម៌ និងវិចិត្តសិល្បៈ ខណៈលោកស្រីរដ្ឋមន្ត្រី ភឿង សុកណា ទទួលជួបតារាចម្រៀង ទេព បូព្រឹក្ស និងក្រុមការងារ ក្នុងនោះមានលោក ងួន ចាន់ដេវីត (G-Devith) ដែលជាស្វាមីរបស់ ទេព បូព្រឹក្ស ផងដែរ។
ក្នុងជំនួប ក្រុមការងាររបស់តារាចម្រៀង ទេព បូព្រឹក្ស បានធ្វើបទបង្ហាញនូវវីដេអូឯកសារស្តីពីការចូលរួមរបស់លោកស្រីដែលបានតំណាងអោយអ្នកចម្រៀងយុវវ័យកម្ពុជាសម្តែងក្នុងកម្មវិធីប្រគំតន្ត្រីនៃមហោស្រព «Round Festival »នៅទីក្រុងកូឡាឡាំពួរ ប្រទេសម៉ាឡេសុីកាលពីថ្ងៃទី២០ ដល់២២ ខែមិថុនាឆ្នាំ២០២៥នាពេលកន្លងទៅ។
ប្រភព៖ ក្រសួងវប្បធម៌ និងវិចិត្រសិល្បៈ
Post a Comment