(ភ្នំពេញ)៖ លោកវរសេនីយ៍ឯក(ប៉ូលីស) តេង សូគាត ម្ចាស់ស្ថានីយ៍ប្រេងឥន្ធនៈ PTT នៅខេត្តពោធិ៍សាត់.បានរងការចោទប្រកាន់ថា"ឆបោក"លុយពីជនជាតិចិនចំនួន២០ម៉ឺនដុល្លារ.ដោយចេញសែកស្អុយគ្មានសាច់ប្រាក់ចំនួន២០ម៉ឺនដុល្លារ!!។
ក្រោមរូបភាពធ្វើកិច្ចសន្យាលក់-រថយន្តស៊េរីទំនើប Roll Royce Cullinan សេរីឆ្នាំ២០២៥ ចំនួន១គ្រឿង តម្លៃ៩៥ម៉ឺនដុល្លារ ឱ្យទៅជនរងគ្រោះ!។
-នេះបើយោងតាមសន្លឹក"មូលប្បទានប័ត្រលេខ"១១៤១៥៩ របស់ធនាគារABA ដែលតម្រូវឱ្យបើកប្រាក់ នៅថ្ងៃទី២៦.០៣.២០២៥។
កិច្ចសន្យាទទួលប្រាក់.លិខិតកោះហៅរបស់.នគរបាលយុត្តិធម៌។
-ករណីនេះពុំទាន់មានការបកស្រាយបំភ្លឺពីលោក តេង សូគាត នោះឡើយ។
សេចក្តីរាយការណ៍បានឱ្យ"ដើមរាំង"ដឹងថា ដើមចមដំបូងនៅថ្ងៃទី២៦ ខែវិច្ឆិកាឆ្នាំ ២០២៤ ជនរងគ្រោះបានធ្វើកិច្ចសន្យាទិញរថយន្ដ Roll Royce Cullinan សេរីឆ្នាំ ២០២៥ ចំនួន ១គ្រឿង តម្លៃ៩៥ម៉ឺនដុល្លារ ជាមួយលោកវរៈសេនីយ៍ឯក តេង សូគាត.!។
ក្ក្នុងនោះ តេង សូគាត បានសន្យាយករថយន្ត មកជូនជនរងគ្រោះរយៈពេល៤ខែ ។
នៅថ្ងៃធ្វើកិច្ចសន្យា ជនរងគ្រោះបានកក់លុយចំនួន ២០ម៉ឺនដុល្លារ និងបានប្រគល់ឱ្យលោក តេង សូគាត ផងដែរ។
ខណៈលុយ៧៥ម៉ឺនដុល្លារ ទៀត ជនរងគ្រោះ នឹងប្រគល់ជូនបង្គ្រប់នៅពេលបានទទួលរថយន្តជាក់ស្តែង ។
បន្ទាប់ពីបានទទួលប្រាក់កក់ហេីយ លោក តេង សូគាត មិនបាននាំរថយន្ត Roll Royce Cullinan មកជូនជនរងគ្រោះតាមកិច្ចសន្យានោះទេ។
ជនរងគ្រោះ ក៏បានទារទារប្រាក់កក់មកវិញ តែលោកវរៈសេនីយ៍ឯក តេង សូគាត មិនចេញមុខដោះស្រាយ!។
ក្រោយមកទៀតជនរងគ្រោះ ក៏បានដាក់ពាក្យបណ្ដឹង នៅនាយកដ្ឋាននគរបាលព្រហ្មទណ្ឌ ដេីម្បីរកយុត្តិធម៌។
ទន្ទឹមនិងនោះ នាយកដ្ឋាននគរបាលព្រហ្មទណ្ឌ បានចេញលិខិតអញ្ជើញ លោកវរៈសេនីយ៍ឯក តេង សូគាត ចំនួន ៣លើក! ប៉ុន្តែពុំមានវត្តមានលោក តេង សូគាត ចូលបំភ្លឺនិងបង្ហាញខ្លួននោះទេ។
ក្នុងរឿងនេះជនរងគ្រោះទាមទារអោយលោកវរៈសេនីយ៍ឯក តេង សូគាត ចេញមុខដោះស្រាយ.ទទួលខុសត្រូវ និងសងលុយចំនួន២០ម៉ឺនដុល្លារប៉ុណ្ណោះ។
-បើទោះបីជារងការចោទប្រកាន់ និងល្បីពេញបណ្ដាញសង្គមបែបនេះក៏ដោយ គេពុំទាន់ឃើញ លោកវរៈសេនីយ៍ឯក តេង សូគាត ចេញមុខបកស្រាយបំភ្លឺនោះឡើយ.ហើយបើមានការបំភ្លឺណាមួយពីសំណាក់បុគ្គលដែលរងការចោទប្រកាន់"ដើមរាំង"នឹងយកមកផ្សាយបន្ត ដើម្បីឱ្យស្របតាមច្បាប់ស្ដីពីរបបសារព័ត៌មាន៕
Post a Comment