កម្លាំងនគរបាល នៃមន្ទីរប្រឆាំងបទល្មើសគ្រឿងញៀន បើកប្រតិបត្តិការចុះបង្ក្រាបនៅក្លឹបកំសាន្តអន្តរជាតិបាវិត ក្រុងបាវិត ដែលបង្កប់ការប្រើប្រាស់គ្រឿងញៀន, ឃាត់ខ្លួនជាង៣០០នាក់!

(មណ្ឌលគិរី)៖ កំពុងក្លាយជាបញ្ហាដ៏ក្តៅគគុកក្នុងសង្គម បន្ទាប់ពីមានការដាក់តាំង .រូបសំណាក់. មួយ កាត់ទទឹងផ្លូវជាតិលេខ៧៦ នៅភូមិរង្សី ឃុំស្រែសង្គម ស្រុកកោះញែក ដែលបង្កឲ្យប្រជាពលរដ្ឋផ្ទុះចម្ងល់យ៉ាងខ្លាំងថា តើនេះជាការអនុញ្ញាតត្រឹមត្រូវ ឬជាការប្រើអំណាចលើសច្បាប់? រូបសំណាក់នោះ បង្ហាញបុគ្គលម្នាក់អង្គុយលើត្រាក់ទ័រ .ចនឌារ. ដាក់កាត់ផ្លូវ ធ្វើឲ្យអ្នកធ្វើដំណើរគ្រប់ស្រទាប់—from ប្រជាពលរដ្ឋធម្មតា ដល់មន្ត្រីរាជការ លោកគ្រូ អ្នកគ្រូ សិស្សានុសិស្ស និងសូម្បីតែថ្នាក់ដឹកនាំ-ត្រូវបង្ខំឲ្យឆ្លងក្រោម .បាតជើង. របស់រូបនោះជារៀងរាល់ថ្ងៃ។ មិនមែនត្រឹមអសីលធម៌-តែជាសញ្ញាអំណាចលើសច្បាប់?មហាជនមើលឃើញថា នេះមិនមែនជារឿងតូចទេ។

- ការឲ្យមនុស្សរាប់ពាន់ឆ្លងក្រោមបាតជើងបុគ្គលម្នាក់ គឺប៉ះពាល់តម្លៃសង្គមខ្មែរ

- ជាពិសេសពេលព្រះសង្ឃ និងមនុស្សមានកិត្តិយសត្រូវឆ្លងក្រោមវា គឺកាន់តែធ្ងន់ធ្ងរ

សំណួរដែលប្រជាពលរដ្ឋកំពុងឆ្លងតមាត់គ្នា-

តើនេះជាការតុបតែង ឬជាការបង្ហាញអំណាចឲ្យសង្គមមើល?ផ្លូវជាតិ មិនមែនដីឯកជន-ហេតុអ្វីអាចដាក់អ្វីក៏បាន?

តាមគោលការណ៍ច្បាប់:-

ផ្លូវជាតិជាទ្រព្យសម្បត្តិសាធារណៈ មិនអាចដាក់សំណង់កាត់ផ្លូវដោយគ្មានអនុញ្ញាត

មិនអាចប្រើសម្រាប់ផ្សព្វផ្សាយឯកជន ឬបង្ហាញឥទ្ធិពលផ្ទាល់ខ្លួន បើគ្មានការអនុញ្ញាតច្បាស់លាស់ នោះសំណង់នេះអាចត្រូវចាត់ទុកថា:-

! រំលោភលើទ្រព្យសម្បត្តិសាធារណៈ

! បង្កគ្រោះថ្នាក់ចរាចរណ៍

! បង្ហាញពីការអនុវត្តច្បាប់មិនស្មើភាព

សំណួរត្រង់ទៅអាជ្ញាធរ:-មិនដឹង ឬមិនធ្វើ?

ប្រជាពលរដ្ឋមិនបានសុំអ្វីច្រើនទេ-គ្រាន់តែសុំ -ភាពត្រឹមត្រូវ-។

ប៉ុន្តែភាពស្ងៀមស្ងាត់របស់អាជ្ញាធរ កំពុងធ្វើឲ្យមានសំណួរមួយធំ:-

- តើអាជ្ញាធរមិនដឹងអំពីរឿងនេះមែនទេ?

- ឬដឹងហើយ តែមិនហ៊ានចាត់ការ?

- ឬមានអ្វីនៅពីក្រោយ ដែលធ្វើឲ្យច្បាប់ត្រូវបត់បែន?

បើមិនចាត់ការ ថ្ងៃក្រោយនឹងក្លាយជាគំរូអាក្រក់

បើរឿងនេះត្រូវបានអនុញ្ញាតឲ្យបន្ត:-

នឹងបើកផ្លូវឲ្យអ្នកមានឥទ្ធិពលផ្សេងៗ ធ្វើតាម

ផ្លូវជាតិអាចក្លាយជាកន្លែងបង្ហាញអំណាចបុគ្គល

ច្បាប់នឹងក្លាយជារឿង(អាចបត់បាន) សម្រាប់មនុស្សខ្លះ

សារព័ត៌មាន(រាល់ថ្ងៃ)និយាយត្រង់ៗ

សង្គមមិនត្រូវការរូបសំណាក់ដែលធ្វើឲ្យមនុស្ស _ឈរ​ក្រោម_ដើរក្រោមទេ សង្គមត្រូវការអាជ្ញាធរ ដែលហ៊ានឈរ -លើច្បាប់-

-បើត្រឹមត្រូវ សូមបង្ហាញឯកសារឲ្យសាធារណៈដឹង

- បើខុស សូមចាត់ការដោយមិនរើសអើង

ច្បាប់មិនគួរតែខ្លាចមនុស្សណាម្នាក់ទេ-មនុស្សទេដែលត្រូវគោរពច្បាប់។ អង្គភាពសារព័ត៌មានរាល់ថ្ងៃយើងខ្ញុំសូមទទួលការបកស្រាយពីស្ថាប័ន ឬបុគ្គលពាក់ព័ន្ធ ដើម្បីធ្វើការកែតម្រូវ ឬបញ្ជាក់ព័ត៌មានបន្ថែម ប្រសិនបើមានការខុសឆ្គងដោយអចេតនា៕ ដោយ ឃិន សុខន