ភ្នំពេញ៖ បុរសម្នាក់បានសម្រេចចិត្តចងកសម្លាប់ខ្លួនឯងចោលប្រពន្ធកូនម្នាក់អាយុ៥ឆ្នាំ ក្រោយមានជម្លោះជាមួយប្រពន្ធពេលយប់ បង្កការភ្ញាក់ផ្អើល កាលពីវេលាម៉ោង១១ និង១០នាទីព្រឹកថ្ងៃទី១ ខែមេសា ឆ្នាំ២០២៥ នៅបន្ទប់ជួល នៅភូមិត្រពាំងល្វាទី១ សង្កាត់កាកាបទី១ ខណ្ឌពោធិ៍សែនជ័យ ។
ជនរងគ្រោះមានឈ្មោះ ផុន ភារម្យ ភេទប្រុស អាយុ២៧ឆ្នាំ មុខរបរកម្មករដឹកជញ្ជូនអីវ៉ាន់។ ប្រពន្ធ ឈ្មោះ នី ស្រី ណា អាយុ ២២ឆ្នាំ មុខរបរកម្មការិនីរោងចក្រ ស្នាក់នៅកន្លែងកើតហេតុ។
បើតាមសម្តីប្រពន្ធជនរងគ្រោះបានបញ្ជាក់ថា ពួកគាត់មានកូនស្រីម្នាក់អាយុ៥ឆ្នាំ ហើយជារៀងរាល់ថ្ងៃប្តីប្រពន្ធគាត់រស់នៅមិនសូវចុះសម្រុងនឹងគ្នាទេ តែងតែឈ្លោះប្រកែកគ្នាស្ទើរាល់ថ្ងៃ លុះនៅព្រឹកថ្ងៃទី១ ខែមេសានេះគាត់បានចេញពីផ្ទះទៅធ្វើការរោងចក្របាត់ ដោយប្តីនៅម្នាក់ឯង ខណៈត្រឡប់មកវិញបើកទ្វាចូលបន្ទប់ស្រាប់តែឃើញប្តីចងកសម្លាប់ខ្លួន នៅចម្រឹងបង្អួចស្លាប់បាត់ទៅហើយ ទើបស្រែកឆោឡោឡើង។
ក្រោយពេលកើតហេតុ សមត្ថកិច្ចជំនាញបានចុះទៅដល់ចំណុចកើតហេតុ ដើម្បីពិនិត្យ និងធ្វើកោសល្យវិច័យរួច ក៏បានប្រគល់សពទៅឱ្យក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត៕
Post a Comment