ករណីនេះបានធ្វើឲ្យមានការចាប់អារម្មណ៍យ៉ាងខ្លាំងពីសំណាក់ប្រជាពលរដ្ឋនិងអង្គភាពបរិស្ថាន ដោយសាសំនួរ ធំៗ ពីផ្លូវច្បាប់សួរថាះ-តើអាជ្ញាធរភូមិឃុំស្រុក មានសិទ្ធិអនុញ្ញាតឲ្យវ៉ៃព្រៃឬសម្អាតដីធ្វើចម្ការដែរឬទេ? ។
តាម ច្បាប់ ស្ដីពីការ ការពារនិងគ្រប់គ្រងធនធានធម្មជាតិ និងបរិស្ថានរបស់ព្រះរាជាណាចក្រកម្ពុជា ការវាយព្រៃ ឬការផ្លាស់ប្ដូរប្រើប្រាស់ដីព្រៃយ៉ាងណាមិញ ត្រូវមានការអនុញ្ញាតពីក្រសួងបរិស្ថាន ឬអាជ្ញាធរជាតិ ដែលមានសមត្ថកិច្ច ផ្លូវច្បាប់តែមួយ គត់។
អាជ្ញាធរមូលដ្ឋាន ដូចជាភូមិឃុំ ឬស្រុក មិនមានសិទ្ធិផ្ដល់ អនុញ្ញាតសម្អាតព្រៃ ឬដីសាធារណៈសម្រាប់ធ្វើចំការឡើយ។
ការចេញលិខិតអនុញ្ញាតដោយគ្មានសមត្ថកិច្ចស្របច្បាប់អាចត្រូវបានចាត់ទុកថាជាសកម្មភាពលើសសិទ្ធិនិងអនុវត្តផ្ទុយច្បាប់។
ក្នុងករណីនេះប្រសិនបើលលិខិតអនុញ្ញាតចេញពីអាជ្ញាធរភូមិ ឬឃុំស្រុកដោយគ្មានការយល់ព្រមពីក្រសួងបរិស្ថាន ឬអង្គភាពជាតិដែលគ្រប់គ្រងដីនោះ នោះអាចត្រូវចាត់ទុកថា ខុសច្បាប់ទាំងអ្នកស្នើសុំនិងអាជ្ញាធរដែលចេញអនុញ្ញាតផងដែរ។
អ្នកស្នើសុំសំអាតដី ត្រូវទទួលខុសត្រូវតាមច្បាប់បរិស្ថានឬច្បាប់ព្រៃឈើ ប្រសិនបើសកម្មភាពរបស់ ខ្លួនប៉ះពាល់ដល់ធនធានធម្មជាតិ ខណៈពេលដែលអាជ្ញាធរមូលដ្ឋាន ដែលចុះហត្ថលេខាអនុញ្ញាតអាចជាប់ទោសផ្នែកវិន័យ ឬផ្នែកព្រហ្មទណ្ឌក្នុងករណីមានការផ្ដល់អនុញ្ញាត ខុសសមត្ថកិច្ច ឬជួយឲ្យមានការបំផ្លាញធនធានធម្មជាតិ។
ពោលគឺ អ្នកសុំសម្អាតដីដោយអនុញ្ញាតពីភូមិឃុំស្រុកប៉ុណ្ណោះ គឺមិនស្របច្បាប់ទេ។
អាជ្ញាធរមូលដ្ឋានដែលចេញអនុញ្ញាតដោយគ្មានសិទ្ធិផ្លូវច្បាប់ ក៏ត្រូវទទួលខុសត្រូវផងដែរ។
ករណីនេះគួរតែជាបទពិសោធន៍សម្រាប់អាជ្ញាធរទាំងឡាយ ឲ្យប្រុងប្រយ័ត្នមិនឲ្យចេញលិខិតអនុញ្ញាត លើសសមត្ថកិច្ច ដើម្បីចៀសវាងការរំលោភច្បាប់ និងបណ្ដាលឲ្យប៉ះពាល់ដល់ធនធានធម្មជាតិ ជាសម្បត្តិ រួមរបស់ប្រជាជនទាំងអស់៕
Post a Comment