សម្តេចតេជោ ហ៊ុន សែន៖ បន្ទាត់ក្រហម ដែលត្រូវតបត បានកំណត់រួចហើយ សូមមេបញ្ជាការគ្រប់ជាន់ថ្នាក់អប់រំបងប្អូននាយទាហ៊ានពលទាហ៊ានយល់ដឹងគ្រប់ៗគ្នា!

(មណ្ឌលគិរី)៖ ករណីខូចខាតអីវ៉ាន់មានតម្លៃខ្ពស់របស់អតិថិជនម្នាក់ កំពុងបង្កឲ្យមានសំនួរគួចាប់អារម្មណ៍ អំពីគុណភាព និងទំនួលខុសត្រូវ នៃសេវាកម្មបញ្ញើរបស់ ក្រុមហ៊ុនកាពីតូល សាខាខេត្តមណ្ឌលគិរី ដែលត្រូវបានចោទថា ផ្ដល់សេវាដោយខ្វះការទទួលខុសត្រូវចំពោះការខូចខាតអីវ៉ាន់អតិថិជន។

យោងតាមការស៊ើបអង្កេតរបស់សារព័ត៌មានរាល់ថ្ងៃ អតិថិជនម្នាក់បានផ្ញើ ម៉ាស៊ីនឆុងកាហ្វេតម្លៃប្រមាណ ៤,០០០ដុល្លារ ពីខេត្តមណ្ឌលគិរី ទៅរាជធានីភ្នំពេញ ដោយបានបង់ថ្លៃសេវាពេញលេញ និងជឿជាក់លើការធានាសុវត្ថិភាពអីវ៉ាន់។ ទោះជាយ៉ាងណា អីវ៉ាន់បានរងការបែកបាក់ខូចខាតយ៉ាងធ្ងន់ធ្ងរ នៅពេលដល់គោលដៅ មិនអាចប្រើប្រាស់បាន។

អ្វីដែលធ្វើឲ្យសាធារណជនភ្ញាក់ផ្អើល និងខកចិត្តខ្លាំង គឺនៅពេលអតិថិជនស្នើសុំការទទួលខុសត្រូវ ក្រុមហ៊ុនបែរជា បដិសេធទាំងស្រុង មិនផ្ដល់សំណង មិនជួសជុល និងមិនបង្ហាញយន្តការទទួលខុសត្រូវណាមួយ ដែលសមស្របនឹងសេវាដែលខ្លួនបានផ្សព្វផ្សាយ។

តើករណីនេះ បើមើលពីមុំស៊ើបអង្កេត បង្កើតសំនួរចម្បងមួយចំនួនដែលមិនអាចមើលរំលងបាន៖ តើក្រុមហ៊ុនកាពីតូល មានគោលការណ៍ធានា និងសំណងច្បាស់លាស់សម្រាប់អតិថិជនដែរឬទេ?

បើអតិថិជនបង់ថ្លៃសេវាពេញ តែអីវ៉ាន់ខូច ក្រុមហ៊ុនអាចគេចវេសទំនួលខុសត្រូវបានដល់កម្រិតណា?

អង្គភាពសារព័ត៌មានរាល់ថ្ងៃបានសង្កេតឃើញមានច្បាស់នៅ-លក្ខខណ្ឌ “មិនទទួលខុសត្រូវ” លើក្រដាសបញ្ញើ៖ តើការព្រមព្រៀង ឬការបង្ខំអតិថិជន?

ក្នុងការស៊ើបអង្កេត ក្រុមការងារសារព័ត៌មានរាល់ថ្ងៃ រកឃើញថា លើក្រដាសបិទបញ្ញើរបស់ក្រុមហ៊ុនកាពីតូល មានការសរសេរយ៉ាងច្បាស់ថា “បើមានការខូចខាត ក្រុមហ៊ុនមិនទទួលខុសត្រូវ”។

លក្ខខណ្ឌនេះ បានបង្កឲ្យមានសំនួរមួយសម្រាប់សាធារណជនថា៖.តើនេះជាសេវាកម្មដឹកជញ្ជូន ឬគ្រាន់តែជាការដឹកជញ្ជូនដោយគ្មានទំនួលខុសត្រូវណាមួយ? អ្នកជំនាញផ្នែកសិទ្ធិអតិថិជនបានលើកឡើងថា លក្ខខណ្ឌបែបនេះ អាចចាត់ទុកថា ជា លក្ខខណ្ឌមិនសមធម៌ (លក្ខខណ្ឌដែលផ្ទេរហានិភ័យទៅលើអតិថិជនតែម្ខាង)

ព្រោះវាផ្ទេរហានិភ័យទាំងស្រុងទៅលើអតិថិជន ខណៈក្រុមហ៊ុននៅតែទទួលយកថ្លៃសេវាពេញលេញ ដោយគ្មានការធានាអ្វីឡើយ។

.តើហេតុអ្វី នៅតែមានអតិថិជនយកអីវ៉ាន់ទៅផ្ញើ?

សំនួរខាងលើរិទ្ធតែគួរឲ្យព្រួយបារម្ភជាងនេះ គឺ៖

បើសរសេរច្បាស់លើក្រដាសថា “មិនទទួលខុសត្រូវ” ហេតុអ្វីបានជាអតិថិជនជាច្រើន នៅតែយកអីវ៉ាន់មានតម្លៃទៅផ្ញើ? ការស៊ើបអង្កេតបង្ហាញថា មូលហេតុសំខាន់ៗអាចរួមមាន៖

.អតិថិជនភាគច្រើន មិនបានអានលក្ខខណ្ឌលម្អិត ឬមិនត្រូវបានពន្យល់ឲ្យច្បាស់ ការជឿជាក់លើឈ្មោះក្រុមហ៊ុន និងការផ្សព្វផ្សាយថាជាសេវាធំ មានសាខាច្រើន ការខ្វះជម្រើសសេវាផ្សេងៗ នៅតាមបណ្ដាខេត្តការយល់ថា “សរសេរតែបែបនេះ តែជាក់ស្តែងគេប្រាកដជាទទួលខុសត្រូវ” ទោះជាយ៉ាងណា ករណីជាក់ស្តែងនេះ បង្ហាញថា លក្ខខណ្ឌលើក្រដាស ត្រូវបានយកមកប្រើប្រាស់ពិតប្រាកដ ដើម្បីគេចវេសទំនួលខុសត្រូវ នៅពេលអតិថិជនរងការខូចខាត។

ករណីនេះ កំពុងដាក់រទៅលើសីលធម៌អាជីវកម្មថា៖បើ!ក្រុមហ៊ុនមិនទទួលខុសត្រូវចំពោះអីវ៉ាន់អតិថិជន តើអតិថិជនកំពុងបង់ថ្លៃសេវាសម្រាប់អ្វី? តើលក្ខខណ្ឌបែបនេះ គួរត្រូវបានអនុញ្ញាតឲ្យប្រើប្រាស់ ដោយគ្មានការត្រួតពិនិត្យពីស្ថាប័នពាក់ព័ន្ធដែរឬទេ?

សារព័ត៌មានរាល់ថ្ងៃ ចាត់ទុកថា ការអនុញ្ញាតឲ្យក្រុមហ៊ុនផ្ដល់សេវា ដោយសរសេរលក្ខខណ្ឌ “មិនទទួលខុសត្រូវ” ហើយនៅតែទទួលអីវ៉ាន់អតិថិជន ជាពិសេសអីវ៉ាន់មានតម្លៃខ្ពស់ គឺជាហានិភ័យដ៏ធំមួយ សម្រាប់សង្គម និងសិទ្ធិអតិថិជន។តើសិទ្ធិអតិថិជន ត្រូវបានគេគោរព ឬត្រូវបានមើលស្រាល? សារព័ត៌មានរាល់ថ្ងៃ រកឃើញថា ករណីនេះ មិនមែនជាបញ្ហាផ្ទាល់ខ្លួនរបស់អតិថិជនតែម្នាក់នោះទេ ប៉ុន្តែអាចក្លាយជាគំរូគ្រោះថ្នាក់ សម្រាប់ប្រជាពលរដ្ឋផ្សេងៗ ដែលកំពុងជឿជាក់ និងប្រើប្រាស់សេវាបញ្ញើដោយមិនបានដឹងពីហានិភ័យនៅពីក្រោយ។

អង្គភាពសារព័ត៌«មានរាល់ថ្ងៃ» យើងសូមជម្រាបជូនដល់អតិថិជនទូទៅ សំអាងលើ ជនរងគ្រោះបានលើកឡើងថា ការខាតបង់នេះ គឺជាមេរៀនដ៏ឈឺចាប់ និងសូមអំពាវនាវឲ្យប្រជាពលរដ្ឋ គិតឡើងវិញជាខ្លាំង មុនប្រើសេវាបញ្ញើអីវ៉ាន់ ជាពិសេសអីវ៉ាន់មានតម្លៃខ្ពស់ ដោយគួរជ្រើសរើសក្រុមហ៊ុនដែលមាន៖

.គោលការណ៍ធានាច្បាស់លាស់

.កិច្ចសន្យាទទួលខុសត្រូវត្រឹមត្រូវ

.ប្រវត្តិគុណភាពសេវាកម្មដែលអាចទុកចិត្តបាន

 តម្រូវឲ្យមានការត្រួតពិនិត្យ។ 

សារព័ត៌មានរាល់ថ្ងៃ សូមអំពាវនាវដល់ស្ថាប័នពាក់ព័ន្ធ សូមពិនិត្យ និងពង្រឹងការត្រួតពិនិត្យលើក្រុមហ៊ុនផ្ដល់សេវាបញ្ញើ ដើម្បីការពារសិទ្ធិអតិថិជន និងបញ្ឈប់វប្បធម៌ “យកលុយហើយ មិនទទួលខុសត្រូវ” ដែលកំពុងធ្វើឲ្យសង្គមបាត់បង់ការជឿជាក់៕អត្ថបទដោយ ៖ឃិន សុខន