មណ្ឌលគិរី៖ នៅថ្ងៃទី២៦ ខែធ្នូ ឆ្នាំ២០២៥ លោក ខឹម ចាន់ផល ប្រធានក្រុមប្រឹក្សាស្រុកកែវសីមា និងលោក សាន គឹមអ៊ាប អភិបាលស្រុកកែវសីមា ព្រមទាំងក្រុមការងារ បានអញ្ជើញចុះសួរសុខទុក្ខ និងនាំយកអំណោយជាសម្ភារៈ និងថវិកា ជូនដល់ កងអនុសេនាធំទី២ ដើម្បីលើកទឹកចិត្ត និងគាំទ្រដល់កម្លាំងកងទ័ពដែលកំពុងបំពេញភារកិច្ចការពារជាតិ។
អំណោយដែលបានផ្តល់ជូនរួមមាន ថវិកាចំនួន ១លានរៀល, អង្ករចំនួន ៤០០គីឡូក្រាម និងគ្រឿងឧបភោគបរិភោគមួយចំនួនទៀត ដែលបង្ហាញយ៉ាងច្បាស់ពីស្មារតីយកចិត្តទុកដាក់ ក្តីស្រឡាញ់ និងការគាំទ្រយ៉ាងសកម្មរបស់ថ្នាក់ដឹកនាំស្រុក ចំពោះកម្លាំងប្រដាប់អាវុធ។
ថ្នាក់ដឹកនាំ និងកម្លាំងកងអនុសេនាធំទី២ បានសម្តែងនូវការគោរពអរគុណយ៉ាងជ្រាលជ្រៅ ចំពោះលោកប្រធានក្រុមប្រឹក្សាស្រុក លោកអភិបាលស្រុក និងក្រុមការងារ ដែលតែងតែយកចិត្តទុកដាក់ និងឈរជាប់ជានិច្ចជាមួយកងកម្លាំងការពារជាតិ។
សកម្មភាពមនុស្សធម៌ និងការចុះសួរសុខទុក្ខនេះ គឺជាការបញ្ជាក់យ៉ាងច្បាស់ពីភាពសាមគ្គីរវាងអាជ្ញាធរមូលដ្ឋាន និងកងកម្លាំងប្រដាប់អាវុធ ក្នុងការរួមចំណែកថែរក្សាសន្តិភាព សុវត្ថិភាព និងស្ថិរភាពសង្គមជាតិ។អត្ថបទ ដោយ ឃិន សុខន
Post a Comment