(រដ្ឋបាលខេត្តត្បូងឃ្មុំ)៖ កំពុងបង្ហាញខ្លួនជាខេត្តមួយដែលមានការអភិវឌ្ឍដ៏ច្បាស់លាស់ សមស្របនឹងចក្ខុវិស័យ “ទីក្រុងវៃឆ្លាត – ទីក្រុងបៃតង – ទីក្រុងរស់នៅល្អ” តាមគោលការណ៍គម្រោងអភិវឌ្ឍទីក្រុងស្ដង់ដារ និងប្លង់ប្រើប្រាស់ដីទំនើប។
នេះគឺជាជំហានដ៏សំខាន់ ដែលបង្ហាញថា ត្បូងឃ្មុំ មិនត្រឹមតែអភិវឌ្ឍលើកមុខទេ ប៉ុន្តែ កំពុងក្លាយជាគំរូខេត្តទំនើប ក្នុងតំបន់កណ្ដាលជាមួយនឹងគម្រោង និងស្ថាបត្យកម្មថ្លើមថ្លែងដែលអាចជឿទុកចិត្តបាន។
១. ក្រុងនគររូបនីយកម្ម—ដំណើរទៅរកទីក្រុងវៃឆ្លាត
គម្រោងរូបនីយកម្ម និងរចនាទីក្រុងដោយការទាញយកបច្ចេកវិទ្យាទំនើប ដូចជា៖ប្រព័ន្ធគ្រប់គ្រងសុវត្ថិភាពឌីជីថល ប្រព័ន្ធតាមដានចរាចរណ៍ ការគ្រប់គ្រងព័ត៌មានសាធារណៈឆ្លាតវៃ ធ្វើឱ្យត្បូងឃ្មុំក្លាយជាខេត្តដែល សង្គម សេដ្ឋកិច្ច និងបច្ចេកវិទ្យា មានការលូតលាស់រីកចម្រើនឡើងពោរពេញដោយភាពប្រសើរ។
២. ទីក្រុងបៃតង – បរិស្ថានរស់នៅដែលគ្រប់គ្នាពេញចិត្តសប្បាយចិត្ត រដ្ឋបាលខេត្តបានកំណត់គោលដៅជាក់លាក់៖
បង្កើតលំហបៃតង ដាំដើមឈើតាមបណ្តោយផ្លូវ ពង្រឹងការគ្រប់គ្រងសំណល់និងបង្កើតវត្តមានបរិស្ថានល្អសម្រាប់ការរស់នៅប្រចាំថ្ងៃ គោលការណ៍ ក្លាយជាស្លោកដែលអាចសម្គាល់បានគ្រប់ទីកន្លែងក្នុងទីក្រុង។
៣. ស្ថាបត្យកម្មលំហសាធារណៈ និងហេដ្ឋារចនាសម្ព័ន្ធសម័យថ្មី ការសាងសង់ និងរៀបចំ៖ ផ្លូវថ្មើរជើងផ្លូវសម្រាប់ការជិះកង់ បរិវេណសួនច្បារ និងទីធ្លាសាធារណៈការលម្អស្ថាបត្យកម្មទីក្រុង ទាំងអស់នេះធ្វើឲ្យភាពទំនើប និងភាពរស់រវើកនៃទីក្រុងកាន់តែច្បាស់លាស់ បង្កើតក្រុងដែលប្រជាពលរដ្ឋ រស់នៅបាន—ស្រលាញ់បាន—ឆ្ពោះទៅមុខបាន។
៤. ប្លង់ប្រើប្រាស់ដី និងផែនការអភិវឌ្ឍទីក្រុងលើកកម្ពស់របបគ្រប់គ្រងមានតម្លាភាព ការរៀបចំប្លង់ប្រើប្រាស់ដី ប្លង់គោល និងផែនការអភិវឌ្ឍក្រុង ត្រូវបានអនុវត្តដោយគោរពតាមក្របខណ្ឌច្បាប់ ដើម្បីធានា៖
ការរីកចម្រើនមានរចនាសម្ព័ន្ធ ការចែកតំបន់ងាយស្រួល ការអភិវឌ្ឍសេដ្ឋកិច្ចស្របតាមតម្រូវការតំបន់ ការប្រកាន់ខ្ជាប់ស្តង់ដារការពារបរិស្ថាន នេះជាការដាក់ជំហានដ៏ជាក់ស្តែង ធ្វើឱ្យត្បូងឃ្មុំក្លាយជាក្រុងទំនើបមិនចាញ់ខេត្តណាមួយទេ។
៥. គោលនយោបាយ “ភូមិ–ឃុំ–សង្កាត់មានសុវត្ថិភាព” — ជីវិតពិតរបស់ប្រជាជន រដ្ឋបាលខេត្ត បានពង្រឹងគម្រោង សុវត្ថិភាពសហគមន៍ តាមរយៈ៖ ការបង្កើតបណ្តាញយាមសន្តិសុខ ការជំរុញកិច្ចការដោះស្រាយបញ្ហាសង្គម ការគាំទ្រអំណាចមូលដ្ឋានការកែប្រែបរិយាកាសឃុំសង្កាត់ឲ្យមានសណ្តាប់ធ្នាប់ លទ្ធផលសកម្មនេះ ធ្វើឱ្យប្រជាជនទទួលបានភាពសុខដុមរមនា ងាយរស់នៅ មានសុវត្ថិភាព និងមានទំនុកចិត្តលើរដ្ឋាភិបាល នឹងឃុំ–សង្កាត់។
យើងខ្ញុំក្នុងនាមជានាយកប្រតិបត្តិសារព័ត៌មានរាល់ថ្ងៃ ឈរលើគោលជំហរឯករាជ្យ សូមកោតសរសើរលើការខិតខំរបស់រដ្ឋបាលខេត្តត្បូងឃ្មុំ ដែលកំពុងបង្ហាញឱ្យឃើញភ្លឺចែងចាំងនៅមុខថា៖
“ការអភិវឌ្ឍទីក្រុងមិនមែនត្រឹមតែសាងសង់អគារថ្មីៗ ប៉ុន្តែជាការបង្កើតជីវិតថ្មី សុវត្ថិភាពថ្មី និងអនាគតថ្មីសម្រាប់ប្រជាពលរដ្ឋខេត្តត្បូងឃ្មុំ”។
យើងនឹងបន្តគាំទ្រ និងផ្សព្វផ្សាយគម្រោងល្អៗ ដើម្បីឲ្យសង្គមឃើញ និងដឹងថា ការអភិវឌ្ឍប្រកបដោយសុវត្ថិភាព និងគុណភាពជីវិតល្អ— គឺអាចធ្វើបាន ហើយកំពុងកើតមាននៅត្បូងឃ្មុំ៕អត្ថបទ ឃិន សុខន
Post a Comment