សម្តេចតេជោ ហ៊ុន សែន៖ បន្ទាត់ក្រហម ដែលត្រូវតបត បានកំណត់រួចហើយ សូមមេបញ្ជាការគ្រប់ជាន់ថ្នាក់អប់រំបងប្អូននាយទាហ៊ានពលទាហ៊ានយល់ដឹងគ្រប់ៗគ្នា!

(ខេត្តកំពង់ធំ)៖ ពលរដ្ឋថ្ងូរថា ផ្លូវលំទៅស្រែ ក៏ក្លាយជាកន្លែងផាកពិន័យ។  ការអនុវត្តច្បាប់ចរាចរណ៍ គឺជាកាតព្វកិច្ចសំខាន់ ដើម្បីការពារសុវត្ថិភាពសង្គម។ ប៉ុន្តែពេលណាដែលការអនុវត្តនោះ ធ្វើឡើងនៅកន្លែងមិនសមស្រប មិនមានភាពច្បាស់លាស់ និងបង្កឲ្យពលរដ្ឋមានអារម្មណ៍ថា ((ត្រូវគេដាក់អន្ទាក់)) នោះ វាមិនមែនជាការអនុវត្តច្បាប់ទៀតទេ ប៉ុន្តែជាការបង្កការថ្ងូរ និងបាត់បង់ទំនុកចិត្ត។ ជាក់ស្តែង នៅផ្លូវលំដីហុយទ្រលោម ក្នុងភូមិពោធិ៍ ស្រុកសន្ទុក ខេត្តកំពង់ធំ ដែលជាផ្លូវដីហុយប្រជាពលរដ្ឋធ្វើដំណើរទៅស្រែចំការ ប៉ូលិសចរាចរបានចុះអនុវត្តច្បាប់ បង្កឲ្យមានការភ្ញាក់ផ្អើល និងការរិះគន់យ៉ាងខ្លាំងពីសំណាក់ពលរដ្ឋមូលដ្ឋាន។ ពលរដ្ឋម្នាក់បានថ្ងូរថា"«គ្រាន់តែចេញពីផ្ទះទៅផ្សារ ប្រមាណ៥គីឡូម៉ែត្រ លុយអស់ដល់៦ម៉ឺនរៀល» សំណួរដែលសង្គមសួរ

- តើផ្លូវលំដីហុយទ្រលោម ដែលគ្មានសញ្ញាចរាចរណ៍ច្បាស់លាស់ គួរតែជាទីតាំងផាកពិន័យដែរឬទេ?

- ឬក៏ជាកន្លែង -ងាយរក- សម្រាប់ការកើបលុយពីពលរដ្ឋក្រីក្រ?

ការមិនពេញចិត្តនៅទង្វើនេះ ត្រូវបានពលរដ្ឋបង្ហោះ បញ្ចេញយ៉ាងចំហរ ដោយគណនីហ្វេសប៊ុកមួយឈ្មោះ ហ៊ា ចិត្រ ទិញលក់ឡានគ្រប់ប្រភេទ ដែលបានបង្ហោះឌឺថា"

«មេៗចេះរកកន្លែងកើបលុយឃើញណាស់ ផ្លូវលំក្នុងភូមិហុយទ្រលោម»

អ្វីដែលគួរឱ្យកត់សម្គាល់បន្ថែម គឺតាមការបញ្ជាក់ពីពលរដ្ឋជាច្រើន ដែលសារព័ត៌មានធ្លាប់ទទួលបានថា

. ក្នុងរយៈពេលមួយកន្លងមក ការផ្អាកផាកពិន័យ និងការមិនឃើញប៉ូលិសចរាចរណ៍តាមដងផ្លូវ បានធ្វើឲ្យពលរដ្ឋធ្វើដំណើរដោយស្ងប់អារម្មណ៍ មិនមានភាពភ័យខ្លាច និងមិនមានការថ្ងូរ។ ដូច្នេះ ការត្រឡប់មកអនុវត្តច្បាប់ភ្លាមៗ នៅតាមផ្លូវលំដី ក្នុងតំបន់ជនបទ ធ្វើឲ្យពលរដ្ឋសង្ស័យថា !.តើមានការណែនាំណាមួយពី ក្រសួងមហាផ្ទៃ ឬ? ! ឬក៏ជាការអនុវត្តដោយខ្វះការត្រួតពិនិត្យ និងគ្មានការយកចិត្តទុកដាក់ដល់ស្ថានភាពជាក់ស្តែងរបស់ពលរដ្ឋ?

ពលរដ្ឋនៅ ស្រុកសន្ទុក មិនបានប្រឆាំងច្បាប់ទេ ប៉ុន្តែពួកគេចង់ឃើញ

- ការអនុវត្តដោយយុត្តិធម៌

- ការជ្រើសរើសទីតាំងសមស្រប

- និងការយកចិត្តទុកដាក់ចំពោះជីវភាពពលរដ្ឋជនបទ បើមិនដូច្នេះទេ ការអនុវត្តច្បាប់ចរាចរណ៍ នឹងមិនត្រូវបានមើលឃើញថាជា «ការពារសង្គម» ប៉ុន្តែអាចត្រូវបានមើលថា ជា «ការបង្កបញ្ហាសង្គម» ៕ដោយ ឃិន សុខន